astrology: ଜ୍ୟୋତିଷ ଶାସ୍ତ୍ର ଅନୁସାରେ, ଯେତେବେଳେ ଶୁକ୍ର ନିଜର ରାଶି ଏବଂ ନକ୍ଷତ୍ର ପରିବର୍ତ୍ତନ କରନ୍ତି, ଏହା ବିଶେଷ କରି କ୍ୟାରିଅର ଏବଂ ପ୍ରେମ ଜୀବନ ଉପରେ ସକାରାତ୍ମକ ପ୍ରଭାବ ପକାଇଥାଏ। ଆଜି, ୮ ଜୁଲାଇ ୨୦୨୫, ସନ୍ଧ୍ୟା ୪:୩୧ ସମୟରେ, ଶୁକ୍ର ରୋହିଣୀ ନକ୍ଷତ୍ରରେ ଚଳନ କରିଛନ୍ତି। ଏହି ଚଳନର ପ୍ରଭାବ କିଛି ବିଶେଷ ରାଶି ପାଇଁ ଅତ୍ୟନ୍ତ ଶୁଭ ବୋଲି ବିବେଚନା କରାଯାଉଛି ।
ବୃଷ ରାଶି
ଶୁକ୍ର ନକ୍ଷତ୍ରର ପରିବର୍ତ୍ତନ ଆପଣଙ୍କ ପାଇଁ ଶୁଭ ସାବ୍ୟସ୍ତ ହେବ। ଚାକିରି କ୍ଷେତ୍ରରେ ପଦୋନ୍ନତି କିମ୍ବା କିଛି ନୂତନ ଦାୟିତ୍ୱ ମିଳିପାରେ। ଆୟର ନୂତନ ଉତ୍ସ ମିଳିବାର ସମ୍ଭାବନା ରହିଛି । ହଠାତ୍ କୌଣସି ସୁତ୍ରରୁ ଆର୍ଥିକ ଲାଭ ହୋଇପାରେ। ବୈବାହିକ ଜୀବନରେ ମଧୁରତା ବୃଦ୍ଧି ପାଇବ। ନୂତନ ଚୁକ୍ତି କିମ୍ବା ପ୍ରକଳ୍ପ ମିଳିବାର ସମ୍ଭାବନା ଅଛି। ଶୁକ୍ରଙ୍କ ଚଳନ ଆପଣଙ୍କ ସମ୍ପର୍କକୁ ମଜବୁତ କରିବ। ଭାଗ୍ୟର ପୂର୍ଣ୍ଣ ସମର୍ଥନ ଆପଣ ପାଇବେ । ସମ୍ପର୍କ ପୂର୍ବ ଅପେକ୍ଷା ଅଧିକ ମଜବୁତ ହେବ।
କର୍କଟ ରାଶି
ଆପଣଙ୍କୁ ନୂତନ ଚାକିରି ସୁଯୋଗ ମିଳିବ। ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ ହେଉଥିଲେ ସଫଳତା ପାଇପାରିବେ। ବିଶେଷ କଥା ହେଉଛି ଆପଣଙ୍କ କଥାବାର୍ତ୍ତା ଶୈଳୀ ତଥା ବ୍ୟବହାର ଲୋକଙ୍କୁ ଆକର୍ଷିତ କରିବ। ନେଟୱାର୍କିଂ କ୍ଷେତ୍ରରେ କାମ କରୁଥିଲେ ଅଧିକ ଶୁଭଫଳ ମିଳିବ। ବିଦେଶ ଭ୍ରମଣର ସମ୍ଭାବନା ରହିଛି। ପ୍ରେମ ଜୀବନରେ ଶୁଭ ପ୍ରଭାବ ଦେଖିପାରିବେ। ସମାଜରେ ମାନ ସମ୍ମାନ ବୃଦ୍ଧି ପାଇବ।
ତୁଳା ରାଶି
ଆପଣଙ୍କ ପାଇଁ ଏହି ସମୟ ଲାଭଦାୟକ ସାବ୍ୟସ୍ତ ହୋଇପାରେ । ଆର୍ଥିକ ଲାଭ ପାଇପାରିବେ। ଛାତ୍ରଛାତ୍ରୀମାନଙ୍କ ମଧ୍ୟରେ ସୃଜନଶୀଳ ଶକ୍ତି ବଢିବ । ବୈବାହିକ ଜୀବନରେ ମଧୁରତା ବୃଦ୍ଧି ପାଇବ। ଆର୍ଥିକ ଏବଂ କ୍ୟାରିଅର ସମ୍ବନ୍ଧୀୟ ବଡ଼ ଯୋଜନା ନେଇପାରନ୍ତି । ନିକଟତର ଲୋକଙ୍କଠାରୁ ଖୁସି ଏବଂ ସମର୍ଥନ ପାଇବେ।
