IND vs SA : କୋଲକାତା,: ତେମ୍ବା ବଭୁମାଙ୍କ ନେତୃତ୍ୱାଧୀନ ଦକ୍ଷିଣ ଆଫ୍ରିକା ଭାରତ ବିପକ୍ଷରେ ପ୍ରଥମ ଟେଷ୍ଟ ଜିତିଛି । କୋଲକାତାର ଇଡେନ ଗାର୍ଡେନ୍ସରେ ଖେଳା ଯାଇଥିବା ଟେଷ୍ଟ ମ୍ୟାଚରେ ଭାରତକୁ ୩୦ରନ୍ରେ ପରାସ୍ତ କରିଛି ଭ୍ରମଣକାରୀ ଦଳ । ହାର୍ମଙ୍କ ଆଗରେ ଆତ୍ମସମର୍ପଣ କରିଛି ଟିମ୍ ଇଣ୍ଡିଆ । ୧୨୪ରନ୍ ଚେଜ୍ କରିପାରିଲା ନାହିଁ ଭାରତ । ଫଳରେ ଦକ୍ଷିଣ ଆଫ୍ରିକା କୋଲକାତା ଟେଷ୍ଟ ଜିତି ନେଇଛି । ଏହି ଦମଦାର ବିଜୟ ସହିତ, ଦକ୍ଷିଣ ଆଫ୍ରିକା ଟେଷ୍ଟ ସିରିଜରେ ୧-୦ରେ ଆଗୁଆ ରହିଛି । ଖାଲି ସେତିକି ନୁହେଁ ଇଡେନ ଗାର୍ଡେନରେ ୫୩ ବର୍ଷର ପୁରୁଣା ରେକର୍ଡ ମଧ୍ୟ ଭାଙ୍ଗିଛି । ଘରୋଇ ମାଟିରେ ୧୨୪ରନ୍ କରିନପାରିନାହିଁ ଟିମ୍ ଇଣ୍ଡିଆ । ଭାରତୀୟ ବ୍ୟାଟରଙ୍କର ନୈରାଶ୍ୟଜନକ ପ୍ରଦର୍ଶନ ପରାଜୟର କାରଣ ହୋଇଛି । ଭାରତର ଦ୍ୱିତୀୟ ଇନିଂସରେ ଦକ୍ଷିଣ ଆଫ୍ରିକାର ସାଇମନ ହାମର ୪ଟି ୱିକେଟ ନେଇଛନ୍ତି ।
ପ୍ରଥମ ଟେଷ୍ଟରେ ସାଉଥ ଆଫ୍ରିକା ୩୦ରନ୍ ବିଜୟୀ ହୋଇଛି । ଭାରତ ୯୩ରନ୍ରେ ଅଲଆଉଟ ହୋଇଛି । ମୁକାବିଲାର ତୃତୀୟ ଦିନ ଅର୍ଥାତ ଆଜି ଦ୍ୱିତୀୟ ସେସନ୍ ସମାପ୍ତ ହୋଇଛି । ସାଉଥ୍ ଆଫ୍ରିକା ସ୍ପିନର ସାଇମନ ହାର୍ମର ଏହି ମୁକାବିଲାରେ ଦଳ ପାଇଁ ଦୁଇପାଳିରେ ୪ଟି ଲେଖାଏଁ ହିସାବରେ ୮ ୱିକେଟ ଅକ୍ତିଆର କରିଛନ୍ତି । ମୁକାବିଲାରେ ଦିନ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲେ ଅଧିନାୟକ ତେମ୍ବା ବଭୁମା । ପ୍ରଥମ ପାଳିରେ ଦଳ କେବଳ ୧୫୯ ରନ୍ କରିଥିଲା । ଜବାବରେ ଭାରତ ୧୮୯ରନ୍ କରିଥିଲା । ପ୍ରଥମ ଇନିଂସ ଆଧାରରେ ଭାରତ ୩୦ରନ୍ ଲିଡ୍ କରୁଥିଲା । ଦ୍ୱିତୀୟ ପାଳିରେ ଦକ୍ଷିଣ ଆଫ୍ରିକା ୧୫୩ରନ୍ କରି ଭାରତ ଆଗରେ ୧୨୪ରନ୍ ଟାର୍ଗେଟ ସେଟ୍ କରିଥିଲା । ହେଲେ ଭାରତୀୟ ବ୍ୟାଟର ହାମରଙ୍କ ଆରରେ ସରେଣ୍ଡର କରିଥିଲେ ।
ମାତ୍ର ୯୩ରନରେ ଅଲଆଉଟ ହୋଇଥିଲା ଇଣ୍ଡିଆ । ରିଟାୟାର୍ଡ ହଟ ଅଧିନାୟକ ଶୁବମନ ଗିଲ ଖେଳିନଥିଲେ । ୱାଶିଂଟନ ସୁନ୍ଦର ୯୩ ବଲରେ ୩୧ ରନ୍ କରିଥିଲେ । ହେଲେ ତାଙ୍କୁ ଅନ୍ୟ ବ୍ୟାଟରଙ୍କ ସାଥ ମିଳିନଥିଲା । ଜୈସ୍ୱାଲ ଖାତା ଖୋଲି ପାରିନଥିଲେ । କେଏଲ ରାହୁଲ ୧ ରନ୍, ଧ୍ରୁବ ଜୁରେଲ ୧୩ରନ୍, ରିଷବ ପନ୍ତ ୨ ରନ୍, ଜାଡେଜା ୧୮ରନ୍ କରି ଆଉଟ ହୋଇଥିଲେ । ମାର୍କୋ ଜନସନ ୨ଟି, କେଶବ ମହାରାଜା ୨ଟି ଓ ମାକ୍ରନ ଗୋଟି ୱିକେଟ ହାସଲ କରିଥିଲେ ।
କୋଲକାତାର ଇଡେନରେ ସାଉଥ ଆଫ୍ରିକା ଐତିହାସିକ ବିଜୟ ହାସଲ କରିଛି । ଇଡେନ ଗାର୍ଡେନରେ ୫୩ ବର୍ଷର ପୁରୁଣା ରେକର୍ଡ ମଧ୍ୟ ଭାଙ୍ଗିଛି । ଦକ୍ଷିଣ ଆଫ୍ରିକା ଇଡେନ ଗାର୍ଡେନରେ ସର୍ବନିମ୍ନ ସମୁଦାୟ ସ୍କକରକୁ ଡିଫେଣ୍ଡ କରି ଏହି ରେକର୍ଡ ହାସଲ କରିଛି । ପ୍ରଥମ ଟେଷ୍ଟ ହାରିବା ଭାରତ ପାଇଁ ମହଙ୍ଗା ସାବ୍ୟସ୍ଥ ହୋଇଛି ।
ବିଶ୍ୱ ଟେଷ୍ଟ ଚାମ୍ପିଅନସିପ ୨୦୨୩-୨୫ ପୂର୍ବରୁ ଭାରତୀୟ ଟିମ୍ ଖାତାରେ ୫୪.୧୭% ପଏଣ୍ଟ ରହିଛି । ପଏଣ୍ଟ ଟେବୁଲ ତୃତୀୟ ନମ୍ବରରୁ ଚତୁର୍ଥକୁ ଖସି ଆସିଛି । ଅଷ୍ଟ୍ରେଲିଆ ନମ୍ବର ୱାନରେ ରହିଛି । ଟେଷ୍ଟ ସିରିଜର ଦ୍ୱିତୀୟ ମୁକାବିଲା ନଭେମ୍ବର ୨୨ରେ ଗୌହାଟିରେ ଖେଳାଯିବ ।
