ନୂଆଦିଲ୍ଲୀ : ଯେତେବେଳେ “ଦି କେରଳ ଷ୍ଟୋରି ୨” ର ରିଲିଜ୍ ଅଟକାଇବା ପାଇଁ ଅନେକ ଆବେଦନ ଦାଖଲ ହୋଇଛି ଏବଂ ଏହାକୁ ନେଇ ବିବାଦ ବୃଦ୍ଧି ପାଉଛି, ସେତେବେଳେ ଅନ୍ୟପକ୍ଷରେ ସେନ୍ସର ବୋର୍ଡ (CBFC) ଫିଲ୍ମଟିକୁ ସେନ୍ସର ସାର୍ଟିଫିକେଟ୍ ସହିତ ଅନୁମୋଦନ କରିଛି। କିନ୍ତୁ ଏଥିରେ ୧୫ ଟି କଟ୍ କରାଯାଇଛି ଏବଂ କିଛି ଦୃଶ୍ୟକୁ ହଟାଇ ଦିଆଯାଇଛି। ସେନ୍ସର ବୋର୍ଡ “ଦି କେରଳ ଷ୍ଟୋରି ୨” କୁ U/A 16+ ସାର୍ଟିଫିକେଟ୍ ଦେଇଛି। ବଳାତ୍କାର ଏବଂ ଲିପ୍-ଲକ୍ ଦୃଶ୍ୟ ସମେତ ଅନେକ ଦୃଶ୍ୟକୁ କଟ୍ କରାଯାଇଛି ।
“ଦି କେରଳ ଷ୍ଟୋରି ୨ ଗୋଜ୍ ବିୟଣ୍ଡ” ଲଭ୍ ଜିହାଦ ଏବଂ ଧାର୍ମିକ ପରିବର୍ତ୍ତନ ଭଳି ପ୍ରସଙ୍ଗକୁ ନେଇ ଗଠନ ହୋଇଛି । ଫିଲ୍ମରେ ଜଣେ ମହିଳାଙ୍କୁ ଗୋମାଂସ ଖାଇବାକୁ ବାଧ୍ୟ କରାଯାଉଥିବା ଦୃଶ୍ୟ ମଧ୍ୟ ରହିଛି, ଯାହା ବହୁତ ହଇଚଇ ସୃଷ୍ଟି କରିଛି। ଫିଲ୍ମ ଉପରେ ନିଷେଧ ପାଇଁ ଦାବି କରାଯାଉଥିବା ବେଳେ ଏବଂ ଅନେକ ଆବେଦନ ଦାଖଲ ହୋଇଛି। ଏହାକୁ ନେଇ ରାଜନୈତିକ ବିତର୍କ ମଧ୍ୟ ତୀବ୍ର ହୋଇଛି।
ସେନ୍ସର ବୋର୍ଡର ‘ଦି କେରଳ ଷ୍ଟୋରି ୨’ ଉପରେ କଇଁଚି ଚଲାଇଛି…
ଏହି ସମୟରେ, କେରଳ ହାଇକୋର୍ଟ ‘ଦି କେରଳ ଷ୍ଟୋରି ୨’କୁ ପ୍ରଦାନ କରାଯାଇଥିବା ସେନ୍ସର ସାର୍ଟିଫିକେଟ ବାତିଲ କରିବା ପାଇଁ ଏକ ଆବେଦନର ଶୁଣାଣି କରି ଚଳଚ୍ଚିତ୍ରର ପ୍ରଯୋଜକ ଏବଂ ସେନ୍ସର ବୋର୍ଡକୁ ଏକ ନୋଟିସ୍ ଜାରି କରିଛନ୍ତି। ସେନ୍ସର ବୋର୍ଡ ଫିଲ୍ମରୁ କିଛି କଟ୍ ଏବଂ ଦୃଶ୍ୟ ଗୁଡ଼ିକୁ ଅପସାରଣ କରିବାକୁ ନିର୍ଦ୍ଦେଶ ଦେଇଥିଲା, ଏବଂ ବର୍ତ୍ତମାନ ଏକ U/A 16+ ପ୍ରମାଣପତ୍ର ପ୍ରଦାନ କରିଛି। ‘ଦି କେରଳ ଷ୍ଟୋରି ୨’ ଏହି ଶୁକ୍ରବାର, ଫେବୃଆରୀ ୨୭ ତାରିଖରେ ଥିଏଟରରେ ମୁକ୍ତିଲାଭ କରିବ। ‘ବଲିଉଡ୍ ହଙ୍ଗାମା’ର ଏକ ରିପୋର୍ଟ ଅନୁଯାୟୀ, ସେନ୍ସର ବୋର୍ଡ ଫିଲ୍ମରେ ୧୬ କଟ୍ କିମ୍ବା ପରିବର୍ତ୍ତନ କରିବାକୁ ନିର୍ଦ୍ଦେଶ ଦେଇଛି। ଚୁମ୍ବନ ଦୃଶ୍ୟ ୫୦% ହ୍ରାସ, ଏବଂ ଲିପ୍-ଲକ୍ ଦୃଶ୍ୟ ୭ ସେକେଣ୍ଡ କଟା ଯାଇଛି…
