Asia Cup 2025: ନୂଆଦିଲ୍ଲୀ: ଭାରତ ବନାମ ପାକିସ୍ତାନ କ୍ରିକେଟ୍ ମ୍ୟାଚ୍ ପାଇଁ ଉତ୍ସାହର ସହିତ ଅପେକ୍ଷା କରିଥିବା ପ୍ରଶଂସକଙ୍କ ପାଇଁ ଖୁସି ଖବର ଆସିଛି । କ୍ରିକେଟ୍ ଏସିଆ କପ୍ ୨୦୨୫ରେ ଉଭୟ ଦଳକୁ ସମାନ ଗ୍ରୁପରେ ସାମିଲ କରାଯିିବ । ସୂତ୍ରଗୁଡ଼ିକ ଇଣ୍ଡିଆ ଟୁଡେକୁ କହିଛନ୍ତି ଯେ, ଟିମ୍ ଇଣ୍ଡିଆ ଏବଂ ପାକିସ୍ତାନ କ୍ରିକେଟ୍ ଦଳକୁ ସମାନ ଗ୍ରୁପରେ ରଖାଯାଇପାରିବ । ଗୁରୁବାର ଢାକାରେ ଅନୁଷ୍ଠିତ ଏସୀୟ କ୍ରିକେଟ୍ ପରିଷଦ (ଏସିସି) ବାର୍ଷିକ ସାଧାରଣ ବୈଠକରେ ବିସିସିଆଇ ଅଧିକାରୀମାନେ ଭର୍ଚୁଆଲ୍ ଭାବରେ ଅଂଶଗ୍ରହଣ କରିଥିଲେ ।
ସୂତ୍ରଗୁଡ଼ିକ ଇଣ୍ଡିଆ ଟୁଡେକୁ କହିଛନ୍ତି ଯେ, “ବିସିସିଆଇ ଉପାଧ୍ୟକ୍ଷ ରାଜୀବ ଶୁକ୍ଲା, ଏସୀୟ କ୍ରିକେଟ୍ ପରିଷଦ ଅଧ୍ୟକ୍ଷ ଏବଂ ପାକିସ୍ତାନ କ୍ରିକେଟ୍ ବୋର୍ଡ ଅଧ୍ୟକ୍ଷ ମୋହସିନ୍ ନକଭି କିଛି ଦିନ ମଧ୍ୟରେ ସାକ୍ଷାତ କରି ଟୁର୍ଣ୍ଣାମେଂଟରେ ମ୍ୟାଚ୍ ର ସ୍ଥାନ ଏବଂ ସୂଚୀ ଚୂଡ଼ାନ୍ତ କରିବେ ।”
ବିସିସିଆଇ ସଚିବ ଦେବଜିତ୍ ସାଇକିଆ, କହିଛନ୍ତି, “କିଛି ଦିନ ମଧ୍ୟରେ କ୍ରିକେଟ୍ ଏସିଆ କପ୍ ସଂପର୍କରେ ଘୋଷଣା କରାଯିବ । ଉପାଧ୍ୟକ୍ଷ ରାଜୀବ ଶୁକ୍ଲା ଆଇସିସି ବୈଠକରେ ଯୋଗ ଦେଇଥିଲେ, ସେ ଅନ୍ୟ ସଦସ୍ୟମାନଙ୍କୁ ସୂଚିତ କରିବେ ।”
ଏସିଆ କପ୍ ୨୦୨୫ କେଉଁଠାରେ ଖେଳାଯିବ?
ନ୍ୟୁଜ୍୧୮ ଏକ ସୂତ୍ରକୁ ଉଦ୍ଧୃତ କରି କହିଛି ଯେ, ଏସିଆ କପ୍ ୟୁଏଇ ଦ୍ୱାରା ଆୟୋଜନ କରାଯିବ । ସୂତ୍ରଟି କହିଛି, “ବିସିସିଆଇ ୟୁଏଇରେ ଏସିଆ କପ୍ ଆୟୋଜନ କରିବ । ଭାରତୀୟ ଦଳ ଏହାର ସମସ୍ତ ମ୍ୟାଚ୍ ଦୁବାଇରେ ଖେଳିବ । କାର୍ଯ୍ୟସୂଚୀ ବର୍ତମାନ ଆଲୋଚନାର ବିଷୟ ।”
ଏସିଆ କପରେ ଭାରତ ଏବଂ ପାକିସ୍ତାନ ସମାନ ଗ୍ରୁପରେ?
ପହଲଗାମ ଆକ୍ରମଣ ପରେ ଭାରତ ଏବଂ ପାକିସ୍ତାନ ମଧ୍ୟରେ ଉତେଜନା ଆହୁରି ବୃଦ୍ଧି ପାଇଛି, ଯାହା ପରେ ଏସିଆ କପ୍ ସମସ୍ୟାରେ ପଡ଼ିଗଲା । ପୂର୍ବରୁ ଖବର ଆସିଥିଲା ଯେ ଟିମ୍ ଇଣ୍ଡିଆ ଏଥିରେ ନ ଖେଳିବାକୁ ନିଷ୍ପତି ନେଇପାରେ । କିନ୍ତୁ ଏବେ ଏହା ଜଣାପଡୁଛି ଯେ ଏ ସଂପର୍କରେ ପ୍ରତିବନ୍ଧକ ଦୂର ହୋଇଯାଇଛି । ଯାହାହେଉ, ଉଭୟ ଦଳ କେବଳ ଆଇସିସି ଟୁର୍ଣ୍ଣାମେଂଟ କିମ୍ବା ଏସିଆ କପ୍ ଭଳି ବଡ଼ ଇଭେଂଟରେ ଖେଳନ୍ତି ।
ଏହା ମଧ୍ୟ ରିପୋର୍ଟ ହୋଇଥିଲା ଯେ, ବିସିସିଆଇ ଦାବି କରିଛି ଯେ ଆଗାମୀ ଟୁର୍ଣ୍ଣାମେଂଟରେ ଭାରତୀୟ ଦଳକୁ ପାକିସ୍ତାନ ସହିତ ଏକ ଗ୍ରୁପରେ ରଖା ନ ଯାଉ । ଏବେ ଖବର ଆସିଛି ଯେ ଭାରତ ଏବଂ ପାକିସ୍ତାନକୁ ଏସିଆ କପ୍ ୨୦୨୫ରେ ସମାନ ଗ୍ରୁପରେ ରଖାଯାଇପାରିବ ।
ଏହି ୮ଟି ଦଳ କ୍ରିକେଟ ଏସିଆ କପ୍ ୨୦୨୫ରେ ଖେଳିବେ
୨୦୨୫ରେ ଅନୁଷ୍ଠିତ ହେବାକୁ ଥିବା ପୁରୁଷ ଏସିଆ କପ୍ ଟୁର୍ଣ୍ଣାମେଂଟର ୧୭ତମ ସଂସ୍କରଣ ହେବ । ଏହା ସେପ୍ଟେମ୍ବର ୫ ରୁ ୨୧ ମଧ୍ୟରେ ଅନୁଷ୍ଠିତ ହେବାର ଆଶା କରାଯାଉଛି । ତେବେ ଏହାର କାର୍ଯ୍ୟସୂଚୀ ଏପର୍ଯ୍ୟନ୍ତ ଚୂଡ଼ାନ୍ତ ହୋଇନାହିଁ । ଏହା ଟି-୨୦ ଫର୍ମାଟରେ ଖେଳାଯିବ ଏବଂ ରିପୋର୍ଟ ଅନୁଯାୟୀ, ସମସ୍ତ ମ୍ୟାଚ୍ ୟୁଏଇରେ ଅନୁଷ୍ଠିତ ହେବ । ଏଥିରେ ମୋଟ ୮ଟି ଦଳ ଅଂଶଗ୍ରହଣ କରିବେ।
ଭାରତ, ଆଫଗାନିସ୍ତାନ, ବାଂଲାଦେଶ, ପାକିସ୍ତାନ,ଶ୍ରୀଲଙ୍କ. ୟୁଏଇ, ଓମାନ, ହଂକଂ ଏସିଆ କପରେ ଭାଗ ନେବେ । ଏହି ୮ଟି ଦଳକୁ ୪ଟି ଲେଖାଏଁ ଗ୍ରୁପରେ ବିଭକ୍ତ କରାଯିବ । ରିପୋର୍ଟ ଅନୁଯାୟୀ, ଭାରତ ଏବଂ ପାକିସ୍ତାନ ଦଳକୁ ସମାନ ଗ୍ରୁପରେ ସାମିଲ କରାଯିବ, ଯଦି ଏହା ହୁଏ ତେବେ ଉଭୟଙ୍କ ମଧ୍ୟରେ ଗୋଟିଏ ମ୍ୟାଚ୍ ନିଶ୍ଚିତ ହେବ । ପ୍ରତ୍ୟେକ ଗ୍ରୁପର ଶ୍ରେଷ୍ଠ ୨ ଦଳ ସୁପର ୪ ପର୍ଯ୍ୟାୟ ପାଇଁ ଯୋଗ୍ୟତା ଅର୍ଜନ କରିବେ ଏବଂ ବାକି ୨ ଦଳ ବାଦ୍ ଦିଆଯିବ । ସୁପର ୪ ର ଶ୍ରେଷ୍ଠ ୨ ଦଳ ମଧ୍ୟରେ ଫାଇନାଲ ମ୍ୟାଚ୍ ଖେଳାଯିବ ।
