ଭୁବନେଶ୍ୱର (ରିପୋଟର୍ସ ପେନ୍) : ରୋଟାରୀ କ୍ଲବ ଖାରବେଳ-କଳିଙ୍ଗ ନଗର ତା’ର ନବମ ଅଧିଷ୍ଠାନ ଦିବସ ପାଳନ କରିଛି । ଏହି ଅବସରରେ ଦାୟିତ୍ୱ ହସ୍ତାନ୍ତର ସ୍ୱରୂପ ଚଳିତ ୨୦୨୫-୨୬ ବର୍ଷ ନିମନ୍ତେ ରୋଟାରିଆନ ଆଡଭୋକେଟ ଦିଲ୍ଲୀପ୍ କୁମାର ଜେନା ଓ ଶ୍ରୀ ପୁର ପ୍ରଧାନ ଯଥାକ୍ରମେ ସଭାପତି ଓ ସଂପାଦକ ଭାବେ ଦାୟିତ୍ୱ ଗ୍ରହଣ କରିଛନ୍ତି । ଏହି ପରିପ୍ରେକ୍ଷୀରେ ଡ. ମୃତ୍ୟୁଞ୍ଜୟ ରଥ ଓ ଡ. ମାଧବାନନ୍ଦ ବେହୁରାଙ୍କୁ ‘ପ୍ରତିଭା ସମ୍ମାନ-୨୦୨୫’ରେ ସମ୍ମାନୀତ କରାଯାଇଛି ।
ଶୁକ୍ରବାର ଦିନ ପୂର୍ବାହ୍ନରେ ସୋଆ ବିଶ୍ୱବିଦ୍ୟାଳୟର ଏକ ସଭା କକ୍ଷରେ ରୋଟାରୀ କ୍ଲବ ଖାରବେଳ-କଳିଙ୍ଗ ନଗର ପକ୍ଷରୁ ଆୟୋଜିତ ଏକ ଭବ୍ୟ କର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଅତିଥିଭାବେ ରୋଟାରୀ ଜିଲ୍ଲା ପ୍ରାନ୍ତପାଳ ମନୋଜ କୁମାର ତ୍ରିପାଠୀ, ପିଡିଜି ଶିବବ୍ରତ ଦାଶ, ସୋଆ ବିଶ୍ୱବିଦ୍ୟାଳୟର କୁଳପତି ପ୍ରଦୀପ୍ତ କୁମାର ନନ୍ଦ, ଏ.ଜି ଡ. ଶିଶିରକାନ୍ତ ଷଡ଼ଙ୍ଗୀ ପ୍ରମୁଖ ଯୋଗଦେଇ ରୋଟାରୀ କ୍ଲବ ପକ୍ଷରୁ ରାଜ୍ୟର ବିଭିନ୍ନ ଅଞ୍ଚଳରେ କରାଯାଉଥିବା ସେବାକାର୍ଯ୍ୟ ସଂପର୍କରେ ଅଲୋକପାତ କରିଥିଲେ । ବିଶେଷକରି କ୍ଲବ ପକ୍ଷରୁ ହେଉଥିବା ବୃକ୍ଷରୋପଣ କାର୍ଯ୍ୟକ୍ରମ ସାଂପ୍ରତିକ ସମୟରେ ବହୁ ଗୁରୁତ୍ୱ ବହନ କରେ ବୋଲି ଅତିଥିମାନେ ମତ ରଖିଥିଲେ ।
ଡ. କେ.ସି. ସ୍ୱାଇଁଙ୍କ ଅଧ୍ୟକ୍ଷତାରେ ଆୟୋଜିତ ସଭାରେ ପୂର୍ବତନ ସଭାପତି ଆର.ସି. ମହାନ୍ତି ସ୍ୱାଗତ ଅଭିଭାଷଣ ପ୍ରଦାନ କରିବା ସହ ବିଗତ ବର୍ଷରେ କ୍ଲବ ପକ୍ଷରୁ କାରାଯାଇଥିବା କାର୍ଯ୍ୟ ସଂପର୍କରେ ସୂଚନା ପ୍ରଦାନ କରିଥିଲେ । ସ୍ୱାଗତ ସଂଗୀତ ଗାନ କରିଥିଲେ ରୋଟାରିଆନ ନିହାରୀକା ମିଶ୍ର ।
ଏଥିରେ ଅନ୍ୟମାନଙ୍କ ମଧ୍ୟରେ ରୋଟାରିଆନ ସର୍ବଶ୍ରୀ ଲେଫ୍ଟନାଌକ୍ଷଗ୍ଧ; କର୍ଣ୍ଣେଲ ଏସ. ଜଗନ୍ନାଥ ରାଓ, ରଞ୍ଜନ ପାତ୍ର, ସୁରେନ୍ଦ୍ରନାଥ ତ୍ରିପାଠୀ, କେ. କ୍ରୀଷ୍ଣା ରାଓ, ରାମକୃଷ୍ଣ ମହାରଣା, ଶିକ୍ଷାବିତ୍ ଦେବଦତ୍ତ ମହାନ୍ତି ଓ କ୍ଲବର ପ୍ରଥମ ମହିଳା ସସ୍ମିତା ଜେନା ପ୍ରମୁଖ ଉପସ୍ଥିତ ରହି ସଭା ପରିଚାଳନାରେ ସହଯୋଗ କରିଥିଲେ ।
ଏହି ଅବସରରେ ପ୍ରାନ୍ତପାଳ ଶ୍ରୀ ତ୍ରିପାଠୀ କ୍ଲବରେ ନୂତନ ସଭ୍ୟ ଭାବରେ ରୋଟାରୀ ପିନ୍ ପ୍ରଦାନକରି ତିନି ଜଣଙ୍କୁ ସଭ୍ୟଭାବରେ ଗ୍ରହଣ କରିଥିଲେ । ଏଥିରେ ରାଜ୍ୟର ବିଭିନ୍ନ କ୍ଲବର ସଭାପତି ଓ ସଭ୍ୟମାନେ ଯୋଗଦେଇ ନୂତନ ସଭାପତି ଶ୍ରୀ ଜେନାଙ୍କୁ ପୁଷ୍ପଗୁଛ ପ୍ରଦାନକରି ଅଭିନନ୍ଦନ ଜଣାଇଥିଲେ ।
