ନୂଆଦିଲ୍ଲୀ, ୦୩।୦୨ : ଟି-୨୦ ବିଶ୍ୱକପ୍ରେ ଭାରତ ଓ ପାକିସ୍ତାନର ମୁକାବିଲା ୧୫ ଫେବ୍ରୁଆରୀରେ କୋଲମ୍ୱୋରେ ହେବା ସ୍ଥିର ହୋଇଥିଲା, କିନ୍ତୁ ପାକିସ୍ତାନୀ ସରକାର ଏହି ମ୍ୟାଚ୍କୁ ଓହ୍ଲାଇବାକୁ ମନାକରି ଦେଇଛନ୍ତି। ଭାରତ-ପାକିସ୍ତାନ ମଧ୍ୟରେ କ୍ରିକେଟ୍ର ସବୁଠୁ ବଡ଼ ପ୍ରତିଦ୍ୱନ୍ଦ୍ୱିତା ରହିଛି। କିନ୍ତୁ ମୈଦାନରେ ଆକ୍ସନ ପୂର୍ବରୁ ହିଁ ମାହୋଲ ସରଗରମ ହୋଇଛି। ଏବେ ପାକିସ୍ତାନର ଏହି ନିଷ୍ପତ୍ତି ଉପରେ ତୀବ୍ର ପ୍ରତିକ୍ରିୟା ସବୁ ଆସିବା ଆରମ୍ଭ ହୋଇ ଯାଇଛି। ଭାରତର ପୂର୍ବତନ ଅଧିକାରୀ କପିଲ ଦେବ ମଧ୍ୟ ଏମିତି ହିଁ ରିଆକ୍ସନ ଦେଇଛନ୍ତି। ସେ ସ୍ପଷ୍ଟ ଭାବେ କହିଛନ୍ତି , ପାକିସ୍ତାନର ଏହି ପଦକ୍ଷେପ ଭାରତ ଠାରୁ ଅଧିକ ପାକ୍ର ଭବିଷ୍ୟତକୁ ନଷ୍ଟ କରି ଦେବ।
ପାକିସ୍ତାନ ରବିବାର ସ୍ପଷ୍ଟ କରିଛି ଯେ, ସେ ଟି-୨୦ ବିଶ୍ୱକପ୍ରେ ସାମିଲ ତ ହେବ, କିନ୍ତୁ କୋଲମ୍ୱୋରେ ୧୫ ଫେବ୍ରୁଆରୀରେ ଭାରତ ବିପକ୍ଷ ମ୍ୟାଚର ବୟକଟ ହେବ। ଏହି ନିଷ୍ପତ୍ତି ଏମିତି ସମୟରେ ନିଆ ଯାଇଛି, ଯେବେ ଆଇସିସି ବାଂଲାଦେଶର ସେହି ଦାବିକୁ ଖାରଜ କରି ଦେଇଛି, ଯେଉଁଥିରେ ଭାରତ ବାହାରେ ମ୍ୟାଚ୍କୁ ସିଫ୍ଟ କରିବା କଥା କୁହାଯାଇ ଥିଲା।
ଏକ ମିଡ଼ିଆ ଆଲୋଚନାରେ କପିଲ ଦେବ ପାକିସ୍ତାନର ଆଭିମୁଖ୍ୟ ଉପରେ ଖୋଲାଖୋଲି ନିଜର ମତ ରଖି ଥିଲା। ୧୯୮୩ ବିଶ୍ୱକପ୍ ବିଜେତା ଅଧିନାୟକ କହିଛନ୍ତି ଯେ, ଏହି ମାମଲା ରାଜନୀତି କିମ୍ୱା ଛବି ପର୍ଯ୍ୟନ୍ତ ସୀମିତ ନୁହେଁ, ବରଂ ସିଧା ଭାବେ କହିବାକୁ ଗଲେ ଯୁବ କ୍ରିକେଟରଙ୍କ କ୍ୟାରିୟରକୁ ପ୍ରଭାବିତ କରିଥାଏ।
ସେ କହିଛନ୍ତି ଯଦି ଏହି ନିଷ୍ପତ୍ତି ଖେଳାଳି ମାନେ ନେଇଛନ୍ତି, ତ ସେ ସାମ୍ନାକୁ ଆସି କହି ପାରିବେ। କିନ୍ତୁ ଯଦି ବୋର୍ଡ ଏହା କୁହେ ଯେ, ଆପଣ ଖେଳିବେ ନାହିଁ, ତ ଏଥିରେ ଦେଶର ପ୍ରତିଷ୍ଠା କ୍ଷୁର୍ଣ୍ଣ ହେବ। ସେ ଆଗକୁ ଚେତାବନୀ ଦେଇଛନ୍ତି ଯେ, ବାରମ୍ୱାର ପଛକୁ ହଟିବା ଓ ବହିଷ୍କାର କରିବା ଦ୍ୱାରା ପାକିସ୍ତାନ କ୍ରିକେଟ୍ ଅଲଗା ପଡ଼ିଯିବ। ପାକିସ୍ତାନ ପାଇଁ ସ୍ଥିତି ଭଲ ନଜର ଆସୁନାହିଁ। ଆପଣ ପୂରା ଗୋଟିଏ ପିଢିକୁ ବିନାଶ କରି ଦେଉଛନ୍ତି।
ଏହି ବହିଷ୍କାର ଅନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି)କୁ ଅସହଜ ସ୍ଥିତିରେ ପକାଇ ଦେଇଛି। ଭାରତ-ପାକିସ୍ତାନର ମୁକାବିଲା ଆଇସିସି ଟୁର୍ଣ୍ଣାମେଣ୍ଟର ବ୍ୟାବସାୟିକ ମେରୁଦଣ୍ଡ ଭାବେ ମନେକରାଯାଏ ଏବଂ ପ୍ରାୟତଃ ପ୍ରସାରଣର ରାଜସ୍ୱର ବଡ଼ ଭାଗ ଏହି ଠାରୁ ଆସେ।
