ଲକ୍ଷେ୍ନø, ୧୨।୦୪: ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ୨୦୨୬ର ଊନବିଂଶ ମୁକାବିଲାରେ ଗୁଜରାଟ ଟାଇଟନ୍ସ ଉଭୟ ବୋଲିଂ ଏବଂ ବ୍ୟାଟିଂରେ ଦମ୍?ଦାର ପ୍ରଦର୍ଶନ କରିଛି। ଲକ୍ଷେ୍ନø ସୁପର ଜାଏଣ୍ଟସ୍କୁ ଗୁଜରାଟ ଟାଇଟନ୍ସ ୭ ୱିକେଟ୍ରେ ପରାସ୍ତ କରିଛି। ଶୁବମନ ଗିଲ୍ଙ୍କ ନେତୃତ୍ୱରେ ଗୁଜରାଟ ଟିମ୍ ୧୮.୪ ଓଭରରେ ୩ ୱିକେଟ୍ ହରାଇ ୧୬୫ ରନ୍ କରିଛି।
ଗୁଜରାଟର ପ୍ରାରମ୍ଭିକ ବ୍ୟାଟିଂ ଭଲ ଥିଲା। ସାଈ ସୁଦର୍ଶନ ଏବଂ ଶୁବମନ ଗିଲ୍ ପ୍ରଥମ ୱିକଟେ ପାଇଁ ୪୫ ରନ୍ର ଭାଗିଦାରୀ ହୋଇପାରିଥିଲେ। ତେବେ ଲକ୍ଷେ୍ନøର ପ୍ରଥମ ଶିକାର ହୋଇଥିଲେ ସାଈ ସୁଦର୍ଶନ। ଆଉଟ୍ ହେବା ପୂର୍ବରୁ ସେ ବ୍ୟକ୍ତିଗତ ଭାବେ ୧୪ଟି ବଲ୍ର ସାମ୍ନା କରିଥିଲେ ଏବଂ ୩ଟି ଚୌକା ସହାୟତାରେ ୧୫ ରନ୍ ସଂଗ୍ରହ କରିଥିଲେ।
ଗିଲ୍ ଏବଂ ଜୋସ୍ ବଟଲର ଦ୍ୱିତୀୟ ୱିକେଟ୍ ପାଇଁ ୮୪ ରନ୍ର ଭାଗିଦାରୀ କରିଥିଲେ। ଗିଲ୍ ଆଉଟ୍ ହୋଇ ପାଭିଲିଅନ ଫେରିଯିବା ପୂର୍ବରୁ ବ୍ୟକ୍ତିଗତ ଭାବେ ୫୬ ରନ୍ କରିଥିଲେ। ଏଥିରେ ସେ ୬ଟି ଚୌକା ଏବଂ ଗୋଟିଏ ଚୌକା ସାମିଲ କରିଥିଲେ। ବଟଲର ୩୭ଟି ବଲ୍ ଖେଳି ୧୧ଟି ଚୌକା ସହାୟତାରେ ୬୦ ରନ୍ କରିଥିଲେ। ୱାସିଂଟନ ସୁନ୍ଦର ଅପରାଜିତ ୨୧ ରନ୍ ଏବଂ ରାହୁଲ ତେୱାଟିଆ ଅପରାଜିତ ୧୦ ରନ୍ କରିଥିଲେ।
ଲକ୍ଷେ୍ନøସ୍ଥିତ ଭାରତରତ୍ନ ଅଟଳ ବିହାରୀ ବାଜପେୟୀ ଏକାନା କ୍ରିକେଟ୍ ଷ୍ଟାଡିୟମରେ ରବିବାର ଟସ୍ ଜିଣି ଗୁଜରାଟ ଟାଇଟନ୍ସ ଟସ୍ ଜିଣି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲା। ଗୁଜରାଟ ବୋଲିଂର ସଫଳ ରଣନୀତି ପ୍ରସ୍ତୁତ କରି ଘରୋଇ ଦଳକୁ ୧୬୪ ରନ୍ରେ ଅଟକାଇଥଲା। ଋଷଭ ପନ୍ତଙ୍କ ନେତୃତ୍ୱରେ ଲକ୍ଷେ୍ନø ନିର୍ଦ୍ଧାରିତ ୨୦ ଓଭରରେ ୮ ୱିକେଟ୍ ହରାଇଥିଲା। ଗୁଜରାଟ ପାଇଁ ବୋଲିଂର ନାୟକ ଭାବେ ପ୍ରସିଦ୍ଧ କ୍ରିଷ୍ଣା ଉଭା ହୋଇଥିଲେ। ସେ ୪ ଓଭର ବୋଲିଂ କରି ୪ଟି ମୂଲ୍ୟବାନ ୱିକେଟ ନେଇଥିଲେ। ଗୁଜରାଟର ବ୍ୟାଟର ଆଇଦେନ ମାର୍କରାମ, ଆୟୁଷ ବଦୋନି, ନିକୋଲାସ ପୂରନ ଏବଂ ମୁକୁଲ ଚୌଧୁରୀଙ୍କୁ ସେ ପାଭିଲିଅନ ପଠାଇଥିଲେ।
ଇନିଂସ ଆରମ୍ଭରୁ ଗୁଜରାଟ ବିପର୍ଯ୍ୟୟର ସାମ୍ନା କରିଥିଲା। ପ୍ରାରମ୍ଭିକ ବ୍ୟାଟର ମିଚେଲ ମାର୍ସ ୪ଟି ବଲ୍ ଖେଳି ୧୧ ରନ୍ ସଂଗ୍ରହ କରି ଆଉଟ୍ ହୋଇଥିଲେ। ସେ ଗୋଟିଏ ଚୌକା ଏବଂ ଗୋଟିଏ ଛକା ମାରିଥିଲେ। ତାଙ୍କର ସାଥୀ ଆଇଦେନ୍ ମାର୍କରାମ ୨୧ଟି ବଲ୍ ସାମ୍ନା କରି ୫ଟି ଚୌକା ଏବଂ ଗୋଟିଏ ଛକା ବଳରେ ୩୦ ରନ୍ ସଂଗ୍ରହ କରିଥିଲେ। ଅଧିନାୟକ ଋଷଭ ପନ୍ତ ୧୮ ରନ୍ କରିଥିଲେ। ସେ ୧୧ଟି ବଲ୍ ଖେଳି ୨ଟି ଚୌକା ଏବଂ ଗୋଟିଏ ଛକା ମାରିଥିଲେ।
କୋଲକାତା ବିପକ୍ଷ ମ୍ୟାଚ୍ରେ ବିସ୍ଫୋରକ ବ୍ୟାଟିଂ କରିଥିବା ମୁକୁଲ ଚୌଧୁରୀଙ୍କ ବ୍ୟାଟ ପୂର୍ବଭଳି ଆଜି କାମ କରି ନଥିଲା। ସେ ୧୪ଟି ବଲ୍ ଖେଳି ଗୋଟିଏ ଚୌକା ଏବଂ ଗୋଟିଏ ଛକା ବଳରେ ୧୮ ରନ୍ ସଂଗ୍ରହ କରିଥିଲେ। ନିକୋଲାସ ପୂରନ ୧୯ ରନ୍ ଏବଂ ଅବଦୁଲ ସାମନ୍ଦ ୧୮ ରନ୍ ସଂଗ୍ରହ କରିଥିଲେ। ଜର୍ଜ ଲିଣ୍ଡେ ୧୬ ରନ୍ ସଂଗ୍ରହ କରିଥିଲେ। ମହମ୍ମଦ ସାମି ୧୨ ରନ୍ ଏବଂ ଆଭେସ ଖାନ୍ ୪ ରନ୍ ସଂଗ୍ରହ କରିଛନ୍ତି।
୧୪,୦୦୦ ରନ ହାସଲ କରିବାରେ ପଞ୍ଚମ ଖେଳାଳି ହେଲେ ବଟଲର
ଜସ୍ ବଟଲର ତାଙ୍କ ଟି-୨୦ କ୍ୟାରିୟରରେ ୧୪,୦୦୦ ରନ ମାଇଲଖୁଣ୍ଟ ଅତିକ୍ରମ କରିବାରେ ବିଶ୍ୱର କେବଳ ପଞ୍ଚମ ବ୍ୟାଟସମ୍ୟାନ ହୋଇଛନ୍ତି। ତାଙ୍କ ପୂର୍ବରୁ କ୍ରିସ୍ ଗେଲ୍, କିରନ୍ ପୋଲାର୍ଡ, ଆଲେକ୍ସ ହେଲ୍ସ ଏବଂ ଡେଭିଡ୍ ୱାର୍ଣ୍ଣର ଏହି ସଫଳତା ପାଇଥିଲେ। ସେ ଲକ୍ଷେ୍ନø ବିପକ୍ଷରେ ୩୭ ବଲ୍ ରୁ ୬୦ ରନର ଇନିଂସ ସମୟରେ ଏହି ରେକର୍ଡ ସ୍ଥାପନ କରିଥିଲେ। ବଟଲର୍ ମଧ୍ୟ ଆଇପିଏଲ ୨୦୨୬ ରେ ଅରେଞ୍ଜ କ୍ୟାପ୍ ପାଇଁ ଦାବିଦାର ଭାବରେ ଉଭା ହୋଇଛନ୍ତି, ଏପର୍ଯ୍ୟନ୍ତ ୧୭୬ ରନ ସଂଗ୍ରହ କରିଛନ୍ତି।
ଗିଲ୍ ଏବଂ ପ୍ରସିଦ୍ଧ କୃଷ୍ଣା ଚମକିଲେ
ପ୍ରସିଦ୍ଧ କୃଷ୍ଣ ଗୁଜୁରାଟ ଟାଇଟାନ୍ସର ବିଜୟ ପାଇଁ ମୂଳଦୁଆ ପକାଇଥିଲେ। ସେ ୪ ଓଭର ବୋଲିଂ କରିଥିଲେ, ୪ ୱିକେଟ୍ ନେଇଥିଲେ ଏବଂ ମାତ୍ର ୨୮ ରନ ଦେଇଥିଲେ। ପର୍ପଲ୍ କ୍ୟାପ୍ ଏବେ କ୍ରିଷ୍ଣାଙ୍କ ପାଖକୁ ଚାଲିଯାଇଛି, ଯିଏ ଏପର୍ଯ୍ୟନ୍ତ ସିଜନରେ ୧୦ ୱିକେଟ୍ ନେଇଛନ୍ତି। ତାଙ୍କ ଘାତକ ବୋଲିଂ ପାଇଁ ଗୁଜୁରାଟ ଏଲଏସଜିକୁ ମୋଟ ୧୬୪ ରନରେ ସୀମିତ ରଖିବାରେ ସଫଳ ହୋଇଥିଲେ।
୧୬୫ ରନର ଟାର୍ଗେଟ ପିଛା କରି, ଶୁଭମନ ଗିଲ୍ ଏବଂ ସାଇ ସୁଦର୍ଶନ ଗୁଜୁରାଟ ଟାଇଟାନ୍ସ ପାଇଁ ୪୫ ରନର ଓପନିଂ ପାର୍ଟନରସିପ୍ କରିଥିଲେ। ପୂର୍ବ ସିଜନରେ ଅରେଞ୍ଜ କ୍ୟାପ୍ ବିଜେତା ସୁଦର୍ଶନ ୧୫ ରନ କରିବା ପରେ ଆଉଟ ହୋଇଥିଲେ। ତଥାପି, ଗିଲ୍ ଏବଂ ଜୋସ୍ ବଟଲର୍ ଏକାଠି ୮୪ ରନର ଏକ ସଂଗଠିତ ଭାଗୀଦାରି କରିଥିଲେ, ଯାହା ଗୁଜୁରାଟକୁ ବିଜୟର ନିକଟତର କରାଇଥିଲା। ଗିଲ୍ ୪୦ ବଲ୍ ରୁ ୫୬ ରନ୍ ସଂଗ୍ରହ କରିଥିଲେ, ଯେତେବେଳେ ବଟଲର୍ ତାଙ୍କ ବ୍ୟାଟ୍ ରେ ୬୦ ରନ୍ ଯୋଗଦାନ ଦେଇଥିଲେ। ୱାଶିଂଟନ୍ ସୁନ୍ଦର ବାକି ସ୍କୋର କରିଥିଲେ, ୧୩ ବଲ୍ ରୁ ୨୧ ରନ୍ କରିଥିଲେ, ଯେତେବେଳେ ରାହୁଲ ତେୱାଟିଆ ୧୦ ରନ୍ କରି ଅପରାଜିତ ରହିଥିଲେ। ଗୁଜରାଟ ୮ ବଲ୍ ବାକି ଥାଇ ମ୍ୟାଚ୍ ଜିତିଥିଲା। ଏହି ଗୁରୁତ୍ୱପୂର୍ଣ୍ଣ ବିଜୟ ସେମାନଙ୍କର ନେଟ୍ ରନ୍ ରେଟ୍ ମଧ୍ୟ ଉନ୍ନତ କରିଛି।
