IND vs AUS: ସିଡନୀରେ ଭାରତ ବୋର୍ଡର-ଗାଭାସ୍କର ଟ୍ରଫିର ଶେଷ ମ୍ୟାଚ୍ ଅଷ୍ଟ୍ରେଲିଆ ବିପକ୍ଷରେ ଖେଳିବ। ଏହି ୩ ଜାନୁଆରୀରୁ ଆରମ୍ଭ ହେବ ଏବଂ ଟିମ୍ ଇଣ୍ଡିଆ ପାଇଁ ଏହ ମ୍ୟାଚ୍ ଜିତିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଭାରତ ଏହି ମ୍ୟାଚ୍ ଜିତି ସିରିଜକୁ ୨-୨ ରେ କରିବାକୁ ଚାହିଁବ। ଯଦି ଏହା ହୁଏ ତେବେ ଭାରତର WTC ଫାଇନାଲରେ ପହଞ୍ଚିବାର ଆଶା ଜୀବନ୍ତ ରହିବ। ପଞ୍ଚମ ଟେଷ୍ଟ ମ୍ୟାଚ୍ ପାଇଁ ଭାରତୀୟ ଦଳର ପ୍ଲେଇଂ ଇଲେଭେନ ବର୍ତ୍ତମାନ ସବୁଠୁ ବଡ ଚର୍ଚ୍ଚାର ବିଷୟ ପାଲଟିଛି। ବର୍ତ୍ତମାନ ବିଭିନ୍ନ ପ୍ରକାରର ରିପୋର୍ଟରେ ଦାବି କରାଯାଉଛି ଅଧିନାୟକ ରୋହିତ ଶର୍ମା ଏବଂ ଋଷଭ ପନ୍ତଙ୍କୁ ମଧ୍ୟ ପ୍ଲେଇଂ ଇଲେଭେନରୁ ବାଦ୍ ଦିଆଯାଇପାରେ। ଆଘାତ କାରଣରୁ ଆକାଶଦୀପ ପୂର୍ବରୁ ଦଳରୁ ବାଦ ପଡିଛନ୍ତି ଓ ଏହାର ସୂଚନା ନିଜେ ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ଦେଇଛନ୍ତି। ଏଭଳି ପରିସ୍ଥିତିରେ ପ୍ଲେଇଂ ଇଲେଭେନରେ କିଛି ପରିବର୍ତ୍ତନ ନିଶ୍ଚିତ ଭାବରେ ଦେଖାଯାଇପାରେ।
ଅଷ୍ଟ୍ରେଲିଆ ବିପକ୍ଷରେ ଖେଳାଯାଉଥିବା ବର୍ତ୍ତମାନର ଟେଷ୍ଟ ସିରିଜ୍ ରୋହିତ ଶର୍ମାଙ୍କ କ୍ୟାରିୟରର ଶେଷ ବୋଲି ପ୍ରମାଣିତ ହୋଇପାରେ। ରୋହିତ କିଛି ସମୟ ପାଇଁ ଖରାପ ଫର୍ମ ଦେଇ ଗତି କରୁଥିଲେ ଏବଂ ଏହା ଚଳିତ ସିରିଜରେ ମଧ୍ୟ ଜାରି ରହିଛି। ସେ ଏହି ସିରିଜରେ ଏପର୍ଯ୍ୟନ୍ତ ୫ଟି ଇନିଂସ ଖେଳିଛନ୍ତି ଏବଂ ଏହି ସମୟ ମଧ୍ୟରେ ମାତ୍ର ୩୧ ରନ୍ ସଂଗ୍ରହ କରିଛନ୍ତି। ଏହା ବ୍ୟତୀତ ତାଙ୍କ ଅଧିନାୟକତ୍ୱ ମଧ୍ୟ ପ୍ରଶ୍ନବାଚୀ ସୃଷ୍ଟି କରିଛି। ଏଭଳି ପରିସ୍ଥିତିରେ ତାଙ୍କୁ ଡ୍ରପ କରିବା କଥା ସାମ୍ନାକୁ ଆସିଛି। ଯଦି ଏହା ଘଟେ ତେବେ ମେଲବୋର୍ଣ୍ଣ ଟେଷ୍ଟରୁ ଡ୍ରପ ହୋଇଥିବା ଶୁବମନ ଗିଲ ଦଳକୁ ଫେରିପାରନ୍ତି। ଗୁରୁବାର ଦିନ ଟିମ୍ ଇଣ୍ଡିଆର ନେଟ୍ ଅଧିବେଶନ ମଧ୍ୟ ସୂଚାଇ ଦେଇଛି ଯେ ଗିଲ୍ ସିଡନୀରେ ଖେଳିବାର ସୁଯୋଗ ପାଇପାରନ୍ତି।
ମେଲବୋର୍ଣ୍ଣ ଟେଷ୍ଟ ସମୟରେ ଆକାଶଦୀପ ଅସୁବିଧାରେ ଥିବା ଦେଖିବାକୁ ମିଳିଥିଲା ଏବଂ ତାଙ୍କ ଆଘାତ ବିଷୟରେ କଳ୍ପନାଜଳ୍ପନା ଆରମ୍ଭ ହୋଇଥିଲା। ଆଜି ଗଣମାଧ୍ୟମ ସହ କଥାବାର୍ତ୍ତା ବେଳେ ଗୌତମ ଗମ୍ଭୀର ଏହା ସ୍ପଷ୍ଟ କରିଛନ୍ତି ଯେ ଏହି ବୋଲରଙ୍କ ପିଠି ସମସ୍ୟା ଭୋଗୁଛନ୍ତି ଏବଂ ସିଡନୀ ଟେଷ୍ଟରେ ସେ ନଜର ଆସିବେ ନାହିଁ। ଏଭଳି ପରିସ୍ଥିତିରେ ଭାରତ ନିଶ୍ଚିତ ଭାବରେ ଆକାଶଦୀପଙ୍କ ସ୍ଥାନରେ ଅନ୍ୟ କିଛି ଦ୍ରୁତ ବୋଲର ଖେଳାଇବା ସମସ୍ୟାର ସମ୍ମୁଖୀନ ହୋଇଛି। ଏହି କାରଣରୁ ପ୍ରଥମ ଦୁଇଟି ଟେଷ୍ଟ ଖେଳିଥିବା ହର୍ଷିତ ରାଣା ଦଳକୁ ଫେରିପାରନ୍ତି। ଏକ ବିକଳ୍ପ ଭାବରେ ପ୍ରସିଦ୍ଧ କ୍ରୀଷ୍ଣା ମଧ୍ୟ ଉପଲବ୍ଧ ଅଛନ୍ତି।
https://x.com/mufaddal_vohra/status/1874649310035575022?ref_src=twsrc%5Etfw%7Ctwcamp%5Etweetembed%7Ctwterm%5E1874649310035575022%7Ctwgr%5E04c4f7c43036fe10017ccc137944509359fa2976%7Ctwcon%5Es1_c10&ref_url=https%3A%2F%2Fzeenews.india.com%2Fhindi%2Fzeeodisha%2Fsports%2Frohit-sharma-may-out-of-the-playing-11-of-sydney-test-gautam-gambhir-gave-hints-without-saying-anything%2F2584731
ଅଷ୍ଟ୍ରେଲିଆ ବିପକ୍ଷରେ ସିଡନୀ ଟେଷ୍ଟ ପାଇଁ ଭାରତର ସମ୍ଭାବ୍ୟ ପ୍ଲେଇଂଇଲେଭେନ
ଜସପ୍ରୀତ ବୁମ୍ରା (ଅଧିନାୟକ), ଯଶସ୍ୱୀ ଜୈସୱାଲ, କେ.ଏଲ୍ ରାହୁଲ, ଶୁବମନ ଗିଲ, ବିରାଟ କୋହଲି, ଋଷଭ ପନ୍ତ (ୱିକେଟ୍ କିପର), ରବିନ୍ଦ୍ର ଜାଡେଜା, ନୀତୀଶ ରେଡ୍ଡୀ, ୱାଶିଂଟନ୍ ସୁନ୍ଦର, ହର୍ଷିତ ରାଣା, ମହମ୍ମଦ ସିରାଜ।
