Astrology: ୧୩ ମଇ ୨୦୨୫ରୁ ଜ୍ୟେଷ୍ଠ ମାସର ଆରମ୍ଭ ହେବାକୁ ଯାଉଛି । ତେବେ ଗୋଟିଏ ଦିନ ପୂର୍ବରୁ ଅର୍ଥାତ ୧୨ ମଇରେ, ଗ୍ରହ ସେନାପତି ମଙ୍ଗଳ ଗତିରେ ପରିବର୍ତ୍ତନ କରିବେ। ସୋମବାର ଦିନ ମଙ୍ଗଳଙ୍କ ନକ୍ଷତ୍ର ପରିବର୍ତ୍ତନ କାରଣରୁ କେଉଁ ସବୁ ରାଶିର ଲୋକଙ୍କ ଜୀବନରେ ଖୁସି ଆସିବ ଆସନ୍ତୁ ସେ ବିଷୟରେ ଜାଣିବା ।
ମେଷ ରାଶି
ମେଷ ରାଶିର ଅଧିପତି ହେଉଛନ୍ତି ମଙ୍ଗଳ। ତେଣୁ ଏହି ଚଳନ ଆପଣଙ୍କ ଜୀବନରେ ଶୁଭ ପ୍ରଭାବ ପକାଇବ। କିଛି ନୂତନ କାମ ଆରମ୍ଭ କରିପାରନ୍ତି । ବ୍ୟବସାୟୀଙ୍କୁ ନୂତନ ଡିଲ୍ ମିଳିପାରେ । ବୈବାହିକ ଜୀବନରେ ସୁଖଦ ଅନୁଭୂତି ପାଇବେ । ଟଙ୍କା କାରବାର କରିବା ସମୟରେ ସତର୍କ ରୁହନ୍ତୁ। ପ୍ରତିକାର ସ୍ୱରୂପ ମଙ୍ଗଳବାର ଦିନ ଉପବାସ ରଖନ୍ତୁ ଏବଂ ନିୟମିତ ଭାବରେ ହନୁମାନଜୀଙ୍କ ପୂଜା କରନ୍ତୁ।
ଧନୁ ରାଶି
ଅଶ୍ଳେଷା ନକ୍ଷତ୍ରରେ ମଙ୍ଗଳଙ୍କ ଚଳନ ଆପଣଙ୍କୁ ଶୁଭଫଳ ପ୍ରଦାନ କରିବ । ଆର୍ଥିକ ସ୍ଥିତି ସୁଦୃଢ଼ ହେବାକୁ ଲାଗିବ । ଅନ୍ୟମାନଙ୍କୁ ପ୍ରଭାବିତ କରିବାରେ ସକ୍ଷମ ହେବେ । କୌଣସି ସୁତ୍ରରୁ ହଠାତ୍ ଆର୍ଥିକ ଲାଭ ମିଳିପାରେ । କ୍ୟାରିୟର କ୍ଷେତ୍ରରେ ଅଗ୍ରଗତି କରିବେ । ସ୍ୱାସ୍ଥ୍ୟରେ ଉନ୍ନତି ହେବ । ମାନସିକ ସ୍ଥିତି ଭଲ ରହିବ । ଅଧିକ ଶୁଭଫଳ ପାଇଁ ନିୟମିତ ଭାବରେ ହନୁମାନ ଚାଳିଶା ପାଠ କରନ୍ତୁ। କାହାକୁ ଠକନ୍ତୁ ନାହିଁ ଏବଂ ସମସ୍ତଙ୍କ ସହିତ ଭଲ ଭାବରେ କଥା ହୁଅନ୍ତୁ।
କନ୍ୟା ରାଶି
ମଙ୍ଗଳଙ୍କ ଶୁଭ ପ୍ରଭାବ ଆପଣଙ୍କ ପ୍ରତି ରହିବ । ପରିବାରରେ ଖୁସିର ଲହରି ରହିବ। ପରିବାରରେ ଜଣେ ନୂତନ ସଦସ୍ୟ ଯୋଗ ଦେବାର ସମ୍ଭାବନା ରହିଛି। ଚାକିରି କ୍ଷେତ୍ରରେ ବୋନସ୍ ମିଳିବାର ସମ୍ଭାବନା ଅଛି। ସ୍ୱାସ୍ଥ୍ୟ ଦୃଷ୍ଟିକୋଣରୁ ସମୟ ଭଲ । ବନ୍ଧୁମାନଙ୍କ ସହିତ କୌଣସି ସ୍ଥାନ ପରିଦର୍ଶନ କରିବାକୁ ଯାଇପାରନ୍ତି। ଶୀଘ୍ର କୌଣସି ବଡ଼ ସ୍ଥାନରେ ନିବେଶ କରନ୍ତୁ ନାହିଁ।
(Disclaimer: ଏଠାରେ ଦିଆଯାଇଥିବା ତଥ୍ୟ ଜ୍ୟୋତିଷ ଶାସ୍ତ୍ର ଉପରେ ଆଧାରିତ ଓ କେବଳ ଆପଣଙ୍କ ସୂଚନା ପାଇଁ ଦିଆଯାଇଛି। ଏହାକୁ କୌଣସି ସମାଧାନ ଭାବେ ନେବା ପୂର୍ବରୁ, ନିଶ୍ଚିତ ଭାବରେ ସମ୍ପୃକ୍ତ ବିଷୟର ଜ୍ଞାନଥିବା ଜଣେ ବିଶେଷଜ୍ଞଙ୍କ ସହିତ ପରାମର୍ଶ କରନ୍ତୁ।)
